Todas las noticias

O procedemento deste acordo marco pretende seleccionar a un máximo de 10 empresas co fin de que realicen traballos de carácter técnico e xurídico para o apoio aos servizos técnicos e medio propios da Axencia Galega de Desenvolvemento Rural. Os labores centraranse naqueles necesarios para a posta en marcha dos polígonos agroforestais e que se atopan recollidos na Lei de Recuperación da Terra Agraria de Galicia.

O conselleiro do Medio Rural visitou as actuacións, integradas no Plan de pastos que prevé poñer en valor máis de 4.400 hectáreas cun investimento de 9,5 millóns de euros. No percorrido tamén supervisou as obras de mellora de infraestruturas financiadas pola Consellería do Medio Rural neste concello pontevedrés.

O polígono que se proxecta desenvolver implicaría 407 parcelas de 261 titulares, xerando actividade económica e mellorando a rendibilidade das actividades agrarias. En Galicia hai 24 polígonos agroforestais en diferentes fases dende a entrada en vigor da Lei de recuperación, que supoñen a posta en valor de máis de 9.000 hectáreas distribuídas nunhas 29.000 parcelas propiedade de máis de 7.900 veciños. Galicia conta tamén con 21 aldeas modelo declaradas, das cales a de Ferreiros -no concello de Ames- é a única da provincia da Coruña.

O Diario Oficial de Galicia (DOG) publica hoxe a resolución mediante a cal se abre o prazo para presentar solicitudes para o aproveitamento de parcelas incorporadas nesta aldea modelo de Infesta. Os interesados terán 15 días para presentar as súas solicitudes, dende o 19 de agosto ata o 4 de setembro.

O polígono que se proxecta implementar implicaría 351 parcelas de 115 titulares, xerando actividade económica que contribuiría -á súa vez- á anticipación aos incendios. En Galicia hai 24 polígonos agroforestais en diferentes fases dende a entrada en vigor da Lei de recuperación, que suporán a posta en valor de preto de 9.000 hectáreas distribuídas nunhas 28.600 parcelas propiedade de preto de 7.800 veciños. Tres dos polígonos atópanse na provincia de Pontevedra, o de Vilalén-Tomonde (en Cerdedo-Cotobade), o de Mandelos (en Crecente) e o de Panascos (en Tomiño).

O polígono constará de 29,75 hectáreas, que se prevén destinar aos usos agroforestais que mellor se adapten ás condicións agronómicas. Os polígonos agroforestais teñen como obxectivo poñer en produción áreas de terra agroforestal con boa capacidade produtiva que co tempo acadaron estados de abandono ou infrautilización.

A actualización do Catastro é unha competencia exclusiva do Estado, pero na cal Galicia quere colaborar, ao abeiro do establecido na Lei de recuperación. Así, a Xunta buscará aproveitar as posibilidades que ofrece esta norma para levar a cabo procedementos administrativos de revisión de titularidade, xeométrica e topográfica, daquelas parcelas en que exista un interese por recuperalas.

Na actualidade, xa son 23 os polígonos agroforestais en distintas fases de actuación existentes na nosa comunidade, dos cales 3 se atopan na provincia de Pontevedra. Un deles, o polígono de Cerdedo-Cotobade, suporá a mobilización de case 68 hectáreas de superficie, repartidas en 1.534 parcelas propiedade de 278 veciños. Tamén están declaradas un total de 21 aldeas modelo na nosa Comunidade, das cales unha está precisamente neste municipio pontevedrés, a de Mouteira-Parada. Desde a entrada en vigor da Lei de recuperación, en maio de 2021, arredor de 10.000 hectáreas de terreo están sendo obxecto de desenvolvemento dun instrumento de recuperación de terra agraria, entre polígonos agroforestais, aldeas modelo e permutas.