Mapa de usos agroforestais de Galicia

O Mapa de usos agroforestais de Galicia é un documento técnico que reflectirá o uso das terras de carácter agroforestal no momento da súa elaboración. Este mapa servirá de base para a planificación das actuacións do conxunto dos órganos das administracións públicas e das entidades do sector público con competencias relacionadas co desenvolvemento rural, en todo o referente á ordenación e xestión de usos das terras agroforestais.

Este mapa buscará a integración e coherencia das diferentes fontes de información de ámbito nacional e autonómico, como o SIXPAC (sistema de información de parcelas agrícolas), o SIOSE (sistema de información de ocupación do solo de España) e o Inventario forestal continuo de Galicia. A Axencia Galega de Desenvolvemento Rural é a responsable da elaboración e actualización do mapa; un documento dinámico que será informado polo Consello de Xestión da Terra Agroforestal.

Novas relacionadas

Ver todas

Novas 17 Xul 2024

A Xunta sacará a concorrencia pública a xestión do polígono agroforestal de Oímbra en setembro

Así o anunciou a conselleira María José Gómez nunha visita a este municipio ourensán, coincidindo coa publicación hoxe no DOG da proposta de aprobación do proxecto básico deste polígono. Esta iniciativa, desenvolvida ao abeiro da Lei de recuperación da terra agraria de Galicia, abrangue unha superficie total de 21,76 hectáreas, distribuídas en 72 parcelas de 73 propietarios. O de Oímbra é un dos 34 polígonos agroforestais -21 deles na provincia de Ourense- en marcha na nosa comunidade, que supoñen a posta en valor de máis de 9.500 hectáreas distribuídas en preto de 31.600 parcelas propiedade de 9.220 veciños.

Novas 27 Xuñ 2024

A Consellería do Medio Rural informa aos veciños interesados do inicio dos traballos do polígono agroforestal de Cabreira, en Salvaterra do Miño

A directora xeral de Desenvolvemento Rural, Paz Rodríguez, explicou aos asistentes os avances deste polígono agroforestal que permitirá mobilizar 22,21 hectáreas de terreo divididas en 237 parcelas de 148 propietarios. A zona delimitada desta iniciativa atópase dentro da Denominación de Orixe Rías Baixas, polo que dará resposta a unha gran demanda de terreos para produción vitivinícola, de gandaría en extensivo ou para aproveitamento forestal. Actualmente, en Galicia están aprobados 34 proxectos para a posta en marcha de polígonos agroforestais, ferramenta incluída na Lei de recuperación da terra agraria de Galicia, que favorecerán a posta en valor de máis de 9.500 hectáreas.

Novas 12 Xuñ 2024

A Xunta fomenta as permutas de especial interese agrario con axudas para o pago de gastos notariais

O Diario Oficial de Galicia publica a resolución pola que se aproban as bases reguladoras das axudas para os gastos notariais e de inmatriculación rexistral de predios agroforestais obxecto de permutas de especial interese agrario para o 2024. As persoas que acrediten a disposición de dita permuta poden optar a esta achega, cuxa convocatoria conta cun orzamento de 50.000 euros.

Novas 13 Mai 2024

A Xunta declara de utilidade pública e interese social o polígono agroforestal da Madanela, no concello ourensán de Monterrei, para mobilizar máis terra agraria

O Diario Oficial de Galicia publica hoxe o decreto desta declaración, que implica o recoñecemento da existencia de razóns de interese público para os efectos da aplicación da tramitación de urxencia do procedemento. No referido á orientación produtiva deste novo polígono, entre as actividades previstas está a gandaría en extensivo, enmarcándose na aposta da Xunta por prever os incendios forestais a través da xestión do territorio. Dentro da aposta por impulsar estas figuras incluídas na Lei de recuperación da terra agraria, nos últimos catro meses foron declarados un total de oito, ascendendo xa a 34 os polígonos aprobados en Galicia para mobilizar en total máis de 9.500 hectáreas.