Novas

Así o anunciou a conselleira María José Gómez nunha visita a este municipio ourensán, coincidindo coa publicación hoxe no DOG da proposta de aprobación do proxecto básico deste polígono. Esta iniciativa, desenvolvida ao abeiro da Lei de recuperación da terra agraria de Galicia, abrangue unha superficie total de 21,76 hectáreas, distribuídas en 72 parcelas de 73 propietarios. O de Oímbra é un dos 34 polígonos agroforestais -21 deles na provincia de Ourense- en marcha na nosa comunidade, que supoñen a posta en valor de máis de 9.500 hectáreas distribuídas en preto de 31.600 parcelas propiedade de 9.220 veciños.

A directora xeral de Desenvolvemento Rural, Paz Rodríguez, explicou aos asistentes os avances deste polígono agroforestal que permitirá mobilizar 22,21 hectáreas de terreo divididas en 237 parcelas de 148 propietarios. A zona delimitada desta iniciativa atópase dentro da Denominación de Orixe Rías Baixas, polo que dará resposta a unha gran demanda de terreos para produción vitivinícola, de gandaría en extensivo ou para aproveitamento forestal. Actualmente, en Galicia están aprobados 34 proxectos para a posta en marcha de polígonos agroforestais, ferramenta incluída na Lei de recuperación da terra agraria de Galicia, que favorecerán a posta en valor de máis de 9.500 hectáreas.

O Diario Oficial de Galicia publica a resolución pola que se aproban as bases reguladoras das axudas para os gastos notariais e de inmatriculación rexistral de predios agroforestais obxecto de permutas de especial interese agrario para o 2024. As persoas que acrediten a disposición de dita permuta poden optar a esta achega, cuxa convocatoria conta cun orzamento de 50.000 euros.

O Diario Oficial de Galicia publica hoxe o decreto desta declaración, que implica o recoñecemento da existencia de razóns de interese público para os efectos da aplicación da tramitación de urxencia do procedemento. No referido á orientación produtiva deste novo polígono, entre as actividades previstas está a gandaría en extensivo, enmarcándose na aposta da Xunta por prever os incendios forestais a través da xestión do territorio. Dentro da aposta por impulsar estas figuras incluídas na Lei de recuperación da terra agraria, nos últimos catro meses foron declarados un total de oito, ascendendo xa a 34 os polígonos aprobados en Galicia para mobilizar en total máis de 9.500 hectáreas.

A directora xeral da Axencia Galega de Desenvolvemento Rural, Inés Santé, participou esta mañá neste evento, un foro económico centrado no rural galego que comezou onte e que rematará hoxe nesta localidade lucense. Santé, que participou na mesa redonda sobre Recuperación, desenvolvemento e emprendemento no ámbito rural, salientou algunha das iniciativas que está a levar a cabo a Consellería do Medio Rural neste eido. Así, destacou os resultados acadados a través do programa Leader executado en colaboración cos 24 Grupos de Desenvolvemento Rural (GDR) que están espallados por toda a comunidade autónoma.

Como novidade, trala publicación do Real Decreto 1177/2023, os responsables das explotacións que participen en programas de reestruturación, como é o Banco de Terras, poderán acceder aos dereitos da axuda básica á renda da reserva nacional. Esta medida poderá beneficiar aos arrendatarios das 2.469 hectáreas arrendadas ou que se atopan en proceso de concretalo, aos que se suman outras 1.255 que están dispoñibles para aproveitamentos agrícolas ou pecuarios. O Banco de Terras de Galicia é un instrumento creado pola Consellería do Medio Rural co dobre obxectivo de evitar o abandono da terra agraria e de poñela a disposición de todas aquelas persoas que a necesiten.

A directora xeral da Axencia Galega de Desenvolvemento Rural, Inés Santé, participou este mediodía en San Xoán de Río na clausura da xornada “Está Ourense preparada para atraer o novo movemento ruralista?”, organizada por “Ourense Rural é vida”. Na súa intervención, fixo especial fincapé nas aldeas modelo e nos seus plans de dinamización como exemplo para impulsar un deseño xeral de rexeneración dos núcleos rurais. Subliñou que a Xunta impulsa “Aldeas Intelixentes, Solucións de futuro para aldeas sostibles” como proxecto de compra pública de innovación na procura de solucións tecnolóxicas para mellorar os recursos agrarios e a xeración de actividade económica.

Destes novos polígonos, dous están situados nos concellos ourensáns de San Xoán de Río e Os Blancos, e o terceiro conta con terreos na Peroxa e tamén no municipio lugués de Carballedo. O Goberno autonómico mobiliza preto de 9.500 hectáreas a través dos 33 polígonos agroforestais activados en Galicia, dos que 7 foron aprobados nos últimos 4 meses. A actividade principal de cada un deles será a gandaría en extensivo, dentro da aposta da Xunta por prever incendios forestais a través da xestión e a dinamización socioeconómica do territorio.

A directora xeral da Axencia Galega de Desenvolvemento Rural, Inés Santé, avanzou os traballos que se desenvolverán para poñer en marcha esta iniciativa, que suporá a reestruturación de 2.308 parcelas propiedade de 187 titulares. As actuacións que se realizarán están vencelladas con operacións de definición do parcelario, a investigación da propiedade, a clasificación da terra e a redacción do plan de ordenación de fincas de especial vocación agraria. Neste concello, oito parcelarias están mobilizando actualmente máis de 9.700 ha cun investimento que nestes procesos superou xa os 19 M€. A Xunta rematou dende o ano 2020 un total de 32 parcelarias e decretou outras 29 no conxunto de Galicia, destinando este ano 24 millóns de euros para seguir impulsando estes procesos de mobilización de terra.

A directora xeral da Axencia Galega de Desenvolvemento Rural, Inés Santé, avanzou, no encontro celebrado esta mañá en Riomol, que proximamente van comezar diversos labores que permitirán a posta en marcha desta concentración. Santé explicou que se iniciarán as actuacións de obtención dos planos parcelarios e de preparación das bases e do plan de ordenación de predios de especial vocación agraria. A parcelaria desta parroquia do concello lucense de Castroverde abrangue unha superficie de 494 hectáreas, distribuídas en 1.192 parcelas propiedade de 143 titulares. A Xunta rematou dende o ano 2020 un total de 32 parcelarias e decretou outras 29 no conxunto de Galicia e destinará 24 millóns de euros neste 2024 para seguir avanzando neste eido.