Que son as aldeas modelo?

Unha aldea modelo é un instrumento de recuperación da terra agraria que ten como obxectivo poñer en produción, de xeito sustentable, as terras abandonadas de alta capacidade produtiva que rodean os núcleos de poboación, contribuíndo así á creación de actividade agrogandeira e á redución do risco de incendios.

Condicións:

• As terras perimetrais da aldea deben estar na súa maioría nun estado de grave abandono, ao tempo que deben ter unha boa capacidade produtiva.
• É necesario o acordo das persoas propietarias dun mínimo do 70% da superficie.
• As persoas propietarias dos terreos comprométense a incorporalos ao Banco de terras por un período mínimo de 10 anos

Características: 

• É un instrumento totalmente voluntario; se o propietario non quere participar, as súas terras quedan excluídas.
• Non se reestruturan as parcelas, é dicir, non se tocan os marcos.
• As parcelas son arrendadas ás persoas propietarias a través do Banco de terras, polo que estes conservan a súa titularidade.
• Préstase especial atención ao mantemento, conservación e recuperación das infraestruturas agrarias (valados e rede de camiños interiores).
• É unha actuación respectuosa e sostible, ligada fundamentalmente a producións tradicionais e preferiblemente ecolóxicas.
• Formarán parte dunha Rede de Aldeas Modelo para xerar sinerxías e compartir coñecementos.

Aldea declaradas

Cadro nº 1: Aldeas aprobadas a 23/08/2022

Cadro nº 2: Aldeas en fase de recollida de firmas a 23/08/2022

Ligazóns de interese

Premendo nas seguintes imaxes podes acceder tanto a unha presentación das Aldeas Modelo coma ao mapa e o visor de Aldeas Modelo de Galicia. Se non visualizas as imaxes correctamente tamén podes acceder a el premendo nas seguintes ligazóns: ligazón para a presentación, ligazón para acceder ao mapa, ligazón para acceder ao visor.