Novas

O Diario Oficial de Galicia publica hoxe os correspondentes anuncios da Axencia Galega de Desenvolvemento Rural para desenvolver estes polígonos, que implican no seu conxunto 361 parcelas de 149 propietarios. Trátase dos polígonos de Sabadelle, no municipio de Chantada; de Loio, na localidade de Paradela; e de Xesto, no concello do Saviñao. Todos están situados en áreas de actuación de Indicacións Xeográficas Protexidas ou Denominacións de Orixe nas que existe unha gran demanda de terreos para explotacións existentes ou a posta en marcha de novas iniciativas produtivas.

A aldea modelo, situada no concello lucense de Quiroga, abrangue unha superficie de 14,15 hectáreas e nela prevese instaurar unha explotación de porco en extensivo

As actuacións realizadas inclúen o peche perimetral da zona e a instalación de comedeiros e bebedoiros, entre outros

Estas actuacións enmárcanse nunha liña de axudas convocada en 2022 polo Goberno autonómico para realizar proxectos deste tipo de traballos

Prevese acadar un aforro enerxético e ambiental a través da utilización de lámpadas cunha máis ampla eficacia luminosa e maior vida útil

A proposta procura a dixitalización do alumeado público, coa instalación dunha rede de nodos nas luminarias existentes

O Diario Oficial de Galicia (DOG) publica hoxe este decreto que permitirá poñer en valor preto de 47 hectáreas, distribuídas en 351 parcelas de 115 propietarios

Ten por obxecto prioritario pór en produción áreas de terra agroforestal con boa capacidade produtiva, en progresivo estado de abandono ou infrautilización, recuperando deste xeito unha acaída actividade de explotación agrícola ou forestal

A directora xeral da Axencia Galega de Desenvolvemento Rural, Inés Santé, reuniuse co alcalde de Boqueixón, Ovidio Rodeiro.

José González salientou a colaboración entre Galicia e Portugal, que tamén participa nesta iniciativa, na loita contra os incendios forestais e no desenvolvemento de estratexias de acción para o futuro. O proxecto busca poñer en valor e mellorar a xestión sostible dos terreos agroforestais, ao mesmo tempo que se protexen e dinamizan os asentamentos rurais, cun orzamento logrado a través do Fondo Europeo de Desenvolvemento Rexional. Nesta liña, o titular do Medio Rural destacou outra proposta que conta con fondos europeos a partir das aldeas modelo, “Aldealix”, lanzada este mesmo mércores para impulsar comunidades enerxéticas baseadas en biomasa no territorio rural nas aldeas modelo de Infesta (Monterrei) e Parada-Mouteira (Cerdedo-Cotobade). No 2024, destacou, remataranse os proxectos de ordenación produtiva das 21 aldeas modelo de Galicia, continuarase cos pilotos dos plans dinamización de catro delas e poranse en marcha os primeiros Espazos Agrarios de Experimentación de Galicia.

A iniciativa supón a captación de preto de dous millóns de euros de fondos europeos e centrarase -na parte galega- nas aldeas modelo de Parada-Mouteira (Cerdedo-Cotobade) e Infesta (Monterrei). Os directores xerais da Axencia Galega de Desenvolvemento Rural e de Gandaría, Agricultura e Industrias Agroalimentarias participaron hoxe na xornada de lanzamento deste proxecto Interreg, que tivo lugar en Cerdedo-Cotobade. A iniciativa persegue avanzar na transición ecolóxica e a adaptación ao cambio climático do espazo transfronteirizo, integrando biomasa no modelo produtivo local mediante comunidades enerxéticas en Galicia e o Norte de Portugal.

José González avaliou coa alcaldesa da localidade, Lucía Calvo, as opcións para continuar avanzando na reestruturación de superficie agroforestal e a súa posta en valor No encontro tamén se valorou o recente convenio asinado para levar a cabo un proxecto de mellora de dúas infraestruturas viarias no lugar de Cesar, cun investimento de máis de 48.000 euros por parte da Consellería do Medio Rural. Nesta mesma liña, o Concello de Teo conta con outro proxecto en marcha para o acondicionamento do viario municipal en Cornide, que se atopa dentro do Plan Marco de mellora de camiños municipais 2023/2024 e ten unha dotación de 50.846 euros por parte do goberno autonómico.

Nesta iniciativa de cooperación entre GDR colaboran os da Comarca de Lugo, Pontevedra Norte e Asdecomor, que integra varios concellos do interior da provincia da Coruña. No acto, José González subliñou que as permutas súmanse a outras iniciativas xurdidas ao abeiro da Lei de recuperación da terra, como as aldeas modelo, os polígonos agroforestais ou as agrupacións de xestión conxunta. Remarcou que todas estas figuras, xunto coas parcelarias, están permitindo mobilizar arredor de 35.000 hectáreas en toda Galicia. Puxo en valor a colaboración que prestan os GDR para impulsar estes labores e que a Xunta corresponde con medidas como a recente achega de máis de dous millóns de euros para aplicar unha estratexia de desenvolvemento local na medida Leader

José González destacou a importancia da Lei de recuperación da terra á hora de avanzar na dinamización socioeconómica e a posta en valor do territorio agrario e forestal que se atopa en situación de abandono e infrautilización. Puxo de relevo que no vindeiro ano poranse en funcionamento os primeiros polígonos agroforestais -Oímbra e Cualedro- ou as agrupacións forestais de xestión conxunta, vencelladas a plans piloto para a recuperación de soutos tradicionais. Tamén sinalou que as 21 aldeas modelo aprobadas xa estarán en marcha no 2024 e que na de Muimenta, en Carballeda de Avia, crearase o primeiro espazo agrario de experimentación.