O DOG publica a declaración de utilidade pública e interese social do polígono agroforestal de Loio, no concello lucense de Paradela

polígono agroforestal de Loio

13 Feb 2024

O Diario Oficial de Galicia (DOG) publica hoxe o decreto polo que se declara de utilidade pública e interese social o polígono agroforestal de Loio, no concello lucense de Paradela, que permitirá a posta en valor de 23,23 hectáreas de terreo, distribuídas en 104 parcelas de 36 titulares catastrais. Esta declaración implica o recoñecemento da existencia de razóns de interese público aos efectos da aplicación da tramitación de urxencia do procedemento.

Este polígono ten por obxecto pór en produción áreas de terra agroforestal con boa capacidade produtiva, que acadaron co paso do tempo estados de abandono ou infrautilización, recuperando deste xeito unha acaída actividade de explotación agrícola ou forestal. A mellora da estrutura territorial de explotacións xa existentes ou a posta en marcha de novas iniciativas produtivas, así como o desenvolvemento de áreas que, independentemente da súa capacidade produtiva, contan con especiais valores ambientais, patrimoniais ou paisaxísticos e nas que os procesos de abandono están a deteriorar eses valores.

Cabe sinalar que a zona na que se atopa o polígono de Loio está incluída na área de actuación da Denominación de Orixe Ribeira Sacra; e existe unha gran demanda de terreos na zona de actuación para a mellora da estrutura territorial de explotacións xa existentes ou para a posta en marcha de novas iniciativas produtivas vinculadas á produción vitivinícola, a gandaría extensiva e o aproveitamento forestal.

Actualmente hai 29 polígonos agroforestais en marcha en Galicia (en diferentes fases de execución), ao abeiro da Lei de recuperación da terra agraria de Galicia, que supoñen a posta en valor de 9.300 hectáreas distribuídas en 30.120 parcelas propiedade de 8.420 veciños. Cinco destes polígonos localízanse na provincia de Lugo: Ver (Bóveda), Sabadelle (Chantada), Xesto (O Saviñao), Barcia (Navia de Suarna).

Ligazón ao decreto no DOG:

https://www.xunta.gal/dog/Publicados/2024/20240213/AnuncioG0426-060224-0001_gl.html

Novas relacionadas

polígono agroforestal da Madanela

Novas 13 Mai 2024

A Xunta declara de utilidade pública e interese social o polígono agroforestal da Madanela, no concello ourensán de Monterrei, para mobilizar máis terra agraria

O Diario Oficial de Galicia publica hoxe o decreto desta declaración, que implica o recoñecemento da existencia de razóns de interese público para os efectos da aplicación da tramitación de urxencia do procedemento. No referido á orientación produtiva deste novo polígono, entre as actividades previstas está a gandaría en extensivo, enmarcándose na aposta da Xunta por prever os incendios forestais a través da xestión do territorio. Dentro da aposta por impulsar estas figuras incluídas na Lei de recuperación da terra agraria, nos últimos catro meses foron declarados un total de oito, ascendendo xa a 34 os polígonos aprobados en Galicia para mobilizar en total máis de 9.500 hectáreas.

A Xunta aposta pola recuperación do territorio

Novas 10 Mai 2024

A Xunta salienta a súa aposta pola recuperación do territorio para dinamizar o rural no encontro de Sober

A directora xeral da Axencia Galega de Desenvolvemento Rural, Inés Santé, participou esta mañá neste evento, un foro económico centrado no rural galego que comezou onte e que rematará hoxe nesta localidade lucense. Santé, que participou na mesa redonda sobre Recuperación, desenvolvemento e emprendemento no ámbito rural, salientou algunha das iniciativas que está a levar a cabo a Consellería do Medio Rural neste eido. Así, destacou os resultados acadados a través do programa Leader executado en colaboración cos 24 Grupos de Desenvolvemento Rural (GDR) que están espallados por toda a comunidade autónoma.

A Xunta abre o prazo para arrendar parcelas a través do Banco de Terras de Galicia

Novas 05 Mai 2024

A Xunta abre o prazo para arrendar parcelas a través do Banco de Terras de Galicia

Como novidade, trala publicación do Real Decreto 1177/2023, os responsables das explotacións que participen en programas de reestruturación, como é o Banco de Terras, poderán acceder aos dereitos da axuda básica á renda da reserva nacional. Esta medida poderá beneficiar aos arrendatarios das 2.469 hectáreas arrendadas ou que se atopan en proceso de concretalo, aos que se suman outras 1.255 que están dispoñibles para aproveitamentos agrícolas ou pecuarios. O Banco de Terras de Galicia é un instrumento creado pola Consellería do Medio Rural co dobre obxectivo de evitar o abandono da terra agraria e de poñela a disposición de todas aquelas persoas que a necesiten.

dinamización do rural galego mediante a innovación

Novas 25 Abr 2024

A Xunta destaca as ferramentas da Lei de recuperación da terra agraria como factores clave para a dinamización do rural galego mediante a innovación

A directora xeral da Axencia Galega de Desenvolvemento Rural, Inés Santé, participou este mediodía en San Xoán de Río na clausura da xornada “Está Ourense preparada para atraer o novo movemento ruralista?”, organizada por “Ourense Rural é vida”. Na súa intervención, fixo especial fincapé nas aldeas modelo e nos seus plans de dinamización como exemplo para impulsar un deseño xeral de rexeneración dos núcleos rurais. Subliñou que a Xunta impulsa “Aldeas Intelixentes, Solucións de futuro para aldeas sostibles” como proxecto de compra pública de innovación na procura de solucións tecnolóxicas para mellorar os recursos agrarios e a xeración de actividade económica.