Que é o Banco de Terras?

Que é o Banco de Terras?

O Banco de Terras de Galicia é un instrumento creado pola Consellería do Medio Rural co dobre obxectivo de evitar o abandono da terra agraria e de poñela a disposición de todas aquelas persoas que a necesiten para usos agrícolas, gandeiros, forestais, de conservación da natureza e patrimonio ou outros usos de interese social.
A función principal do Banco de Terras é a de dinamizar e mediar entre as persoas propietarias e aquelas que precisan terras, así como dar garantías, confianza e seguridade na xestión e no uso das fincas.
Se vostede posúe terras e lle interesa ofrecer as súas parcelas ao Banco de Terras de Galicia ou ben se necesita terras para levar a cabo o seu proxecto, pode atopar no Sistema de Información de Terras de Galicia – Banco de terras (https://sitegal.xunta.gal/) as parcelas dispoñibles, así como consultar os trámites que hai que levar a cabo para cada un dos casos. Pode ademais realizar parte dos trámites a través de Internet, así como coñecer o estado de tramitación dos seus expedientes.

¿É vostede unha persoa que ten terras e non lles dá aproveitamento?
Consulte AQUI (https://agader.xunta.gal/gl/banco-de-terras/incorporacion-de-fincas/) o que lle pode ofrecer o Banco de Terras e os trámites a seguir para incorporar esas fincas ao Banco de Terras.

¿Necesita vostede terras para desenvolver o seu proxecto?
Consulte AQUI (https://agader.xunta.gal/gl/banco-de-terras/arrendamentos/) como pode solicitar a cesión de fincas que están incorporadas ao Banco de Terras de Galicia.
Para calquera dúbida ou se desexa máis información pode poñerse en contacto co Banco de terras a través do teléfono: 881 997 193 ou do correo electrónico: info-bancodeterras.agader [at] xunta.gal

 

Novas relacionadas

Ver todas

Medio Rural pon en valor as ferramentas de mobilización de terras na aldea de Meixide
Novas 17 Nov 2024
Medio Rural pon en valor as ferramentas de mobilización de terras na aldea de Meixide, situada no concello ourensán da Veiga

A directora xeral da Axencia Galega de Desenvolvemento Rural visitou esta aldea modelo na que se mobilizaron 76,85 hectáreas divididas en 646 parcelas de 151 titulares catastrais. Un total de 61,6 hectáreas están arrendadas a través do Banco de Terras por un gandeiro local cunha explotación de gando vacún en extensivo de razas autóctonas de produción ecolóxica.

Imaxe de Oimbra
Novas 05 Nov 2024
Habilitado o procedemento para a Concorrencia pública de selección de propostas de actuación no polígono agroforestal de Oímbra

Hoxe saíu publicada no DOG a concorrencia pública para a selección de propostas de actuación no polígono agroforestal de iniciativa pública de Oímbra.

Banco de Terras de Galiciahttps://sitegal.xunta.gal/sitegal/FirstPage.do
Novas 04 Nov 2024
A consellería do Medio Rural abre o prazo para arrendar parcelas a través do Banco de Terras de Galicia

Como novidade, neste período incorpórase a figura do retornado galego nos criterios de adxudicación de predios para aproveitamentos agrícolas e gandeiros e a asignación dunha puntuación ao mesmo. Os responsables das explotacións que participen en programas de reestruturación, como o Banco, poderán acceder aos dereitos da axuda básica á renda da reserva nacional. O Banco de Terras de Galicia é un instrumento creado pola Consellería do Medio Rural co dobre obxectivo de evitar o abandono da terra agraria e de poñela a disposición de todas aquelas persoas que a necesiten.

A Xunta recupera en Cualedro 124 hectáreas de terra agraria
Novas 24 Out 2024
A Xunta recupera en Cualedro 124 hectáreas de terra agraria cun polígono agroforestal e unha aldea modelo

A conselleira do Medio Rural, María José Gómez, adianta que as 64 hectáreas de 115 propietarios mobilizadas no polígono agroforestal do concello ourensán sairán a concorrencia pública antes de final de ano. Gómez visitou tamén a aldea modelo de Carzoá, logo de que remataran os traballos de agrupación doutras 60 hectáreas de máis de 200 propietarios que se destinarán a unha explotación de gando en extensivo. A titular de Medio Rural reafirma a aposta da Xunta polos procesos de mobilización, a través de ferramentas como as parcelarias ou os instrumentos da Lei de recuperación da terra, con outros 20 M€ nos orzamentos para o 2025.