Proxectos de Ordenación Produtiva

Os Proxectos de Ordenación Produtiva son un documento técnico no que se definen os usos produtivos máis acaídos para a explotación das parcelas incluídas na Aldea Modelo.

Están definidos no Artigo 113 da Lei 11/2021, do 14 de maio, de recuperación da terra agraria de Galicia, e neles defínese como mínimo: o perímetro da aldea modelo, a relación das parcelas incluídas no perímetro, os usos produtivos máis acaídos para a explotación das parcelas incluídas no proxecto, os prazos e prezos de arrendamento e a descrición das actuacións de limpeza, obras e infraestruturas necesarias para a posta en produción das actividades que se desenvolverán na aldea modelo.

A|B|C|D|E|F|G|H|I|L|M|N|O|P|Q|R|S|T|U|V|X|Z

Novas relacionadas

Ver todas

Novas 22 Set 2023

A Xunta impulsa o polígono de Barzamedelle eliminando 33 hectáreas de acacias para controlar esta especie invasora e facilitar a investigación da titularidade dos predios

José González remarcou o esforzo do Goberno galego na erradicación desta planta, que ocupa preto de 60 das 145,6 hectáreas de superficie do polígono situado na localidade ourensá de Leiro. Destacou tamén a importancia desta actuación, pioneira en enfoque e dimensións, no reforzo da protección da bisbarra do Ribeiro fronte os incendios forestais. Trasladou ademais que tamén se actuou en case seis quilómetros e medio de camiños, para recuperar e mellorar as comunicacións no interior do perímetro. No polígono, que terá unha orientación principal cara viñedo dentro da denominación de orixe Ribeiro, identificáronse xa mediante a investigación da propiedade 183 parcelas de 113 propietarios, o que supón 63 das 145,6 ha que o conforman (un 43%).

Novas 19 Set 2023

A Xunta explica aos veciños interesados os detalles do posible polígono agroforestal de Salvaterra de Miño

José González explicou que esta iniciativa permitirá mobilizar preto de 20 hectáreas, divididas en 213 parcelas de 135 titulares. Salientou que xa existen en Galicia un total de 24 polígonos agroforestais en distintas fases de execución, que supoñen a posta en valor de algo máis de 9.000 hectáreas distribuídas nunhas 29.000 parcelas propiedade de máis de 7.800 veciños. Trátase de recuperar terra de boa capacidade produtiva abandonada ou infrautilizada de forma sustentable, buscando crear actividade agrogandeira, fixar poboación e anticiparse aos incendios forestais.

Novas 11 Set 2023

A Xunta pon en valor as permutas de especial interese agrario en Friol nunha mesa institucional

A directora xeral definiunas como unha ferramenta eficaz para a mobilización de terras neste municipio no que xa se impulsaron arredor de 400 hectáreas. Trátase de acordos entre propietarios de predios rústicos para o seu intercambio consensuado, co fin de mellorar a competitividade das explotacións desas áreas rurais.

Novas 11 Set 2023

A Xunta remata a parcelaria de Santo Estevo de Pol tras reorganizar unha superficie de case 355 hectáreas

Inés Santé destacou que, grazas a este traballo -dotado dun investimento que superou o medio millón de euros-, a superficie media das parcelas triplicouse, pasando de 6.671 a 22.230 metros cadrados e de 511 predios a 151 parcelas finais. Puxo en valor que desde o ano 2020, a Xunta rematou un total de 28 concentracións parcelarias -contando a de hoxe-, que abarcaron unha superficie total de máis de 19.078 hectáreas, beneficiando máis de 13.300 propietarios. Ademais das parcelarias, a Xunta aposta polos mecanismos de mobilización que pon a disposición a Lei de recuperación da terra agraria e coa que, en algo máis de dous anos de vixencia, se están mobilizando arredor de 10.000 hectáreas en toda Galicia.